ليش أمريكا تكرهني؟
لأني ما عرفت أكذب..
ولا أتجمّل..
ولا امثّل..
لأن الكلمة من قلبي على لساني
لأني لي بغيت أرقد
أحط راسي
ويكفي بس تغيب الشمس
عشان أنعس..
لأني مؤمن بمبدأ
أحب أرضي
وأحب أمّي
كبير القلب، وإحساسي
مع ناسي!
بكلمة بس تزعّلني
وتراضيني
وتمسح دمعي البسمة
وتكسر خاطري نظرة
ورجفة خوف تنهيني
لأني عايش فحالي
ولاابالي
بسيط وعالمي محدود
أخويه كل من وحّد
ولا أتردد
إذا هاج البحر في يوم
وفاض النهر في أقصى بلاد الشرق
أساعدهم..
بليّا حدود
لأني صادق الإيمان
وضدّي معتدي كافر
ومِ الخاطر
إذا ضاقت بي الدنيا
رفعت الكفّ للخالق:
إلهي ما بجت حيلة
وشو أسوي؟
ولا لي في السما نيمة
تنوّر دربي المظلم
أنا حاولت بس ماقدر
أنا ماقدر
ولكنك إله الكون
من يقدر!
أوشال
